તમારા માટે, તમારી સાથે, સતત…

જો અફઝલ ખાનની વાત સાચી હોય તો મોનાને ખતમ કરી નાખવી

ખરાબ સમાચાર? રણવીરના મોઢેથી આ  શબ્દ સાંભળતા જ સૌને હૈયે ફાળ પડી..

0 28
  • નીલમ દોશી –  હરીશ થાનકી

‘એક અધૂરી વાર્તા ’ નવલકથા – પ્રકરણ-૨૩

વહી ગયેલી વાર્તા

દેશના અગ્રગણ્ય વિજ્ઞાની ડૉ. કુલદીપ આબેહૂબ માનવ જેવી ઇવા રૉબોટનું સર્જન કરે છે. ઇવાને લાગે છે કે કુલદીપ તેના પ્રેમમાં છે. ઇવાના મનમાં પણ કુલદીપ માટે પ્રેમના અંકુર ફૂટે છે. કુલદીપ ઇવાના પ્રેમને નકારી દે છે તેથી ઇવા તેને છોડીને ચાલી જાય છે. ઇવા ઉશ્કેરાઈને ગેરકાનૂની કામ કરતા આરીફ નામના માણસના સંપર્કમાં આવે છે. આરીફ અને તેના સાગરીતો ઇવાનું અપહરણ કરી તેની પાસે બોમ્બ વિસ્ફોટ કરાવવાનું કાવતરું ઘડે છે. ઝાયેદ નામનો શખ્સ મુંબઈ પહોંચે છે. ઝાયેદ મોના નામની યુવતીને મળે છે. મોના રાજેન વકીલ નામની વ્યક્તિને પ્રેમ કરે છે. રાજેન ગુપ્ત રીતે આતંકવાદીઓની માહિતી એકઠી કરી સરકારને આપવાનું કામ કરતો હોય છે. મોના રાજેનને તેના આ કામમાં સાથ આપે છે. ઝાયેદ બોમ્બ વિસ્ફોટ માટે મોનાનો ઉપયોગ કરવાનું નક્કી કરે છે. આ તરફ કુલદીપ તેની સેક્રેટરી  આયનાને ઇવાના સર્જન અને વિસર્જનની વાત કરે છે. આ વાતની જાણ થતાં આયના કુલદીપને આતંકવાદીઓના ષડયંત્રને રોકવા માટે પ્રયત્ન કરવાનું કહે છે અને મોનાની મદદ લે છે. મોના કુલદીપ અને આયનાની ઓળખાણ રાજેન સાથે કરાવે છે. રાજેન જે ગ્રૂપ સાથે સંકળાયેલો હોય છે તેના વડા કામ્બલી રાજેનને અમદાવાદમાં આતંકવાદીઓ બોમ્બ વિસ્ફોટ કરવાનું કાવતરું ઘડી રહ્યા હોવાની વાત કરે છે. ઝાયેદ મોનાને અમદાવાદના જુદા જુદા ઠેકાણા બતાવે છે. જોકે, તે મોનાને તેનો પ્લાન નથી જણાવતો. મોના આ બધી વાત રાજેનને કરે છે. રાજેનને મોનાની ચિંતા સતાવવા લાગે છે. રાજેન મોનાની સુરક્ષા માટે વિક્રમસિંહ નામના વ્યક્તિને નિયુક્ત કરે છે. બીજી તરફ આયનાને ખ્યાલ આવે છે કે ડો. કુલદીપને આતંકવાદી હુમલા કે અન્ય કોઇ ઘટનાઓમાં રસ નથી તેથી તે તેના મિત્ર રણવીરસિંહની મદદ લેવાનું નક્કી કરે છે. રણવીર અને આયના કોલેજમાં સાથે હોય છે. રણવીર આયનાને પ્રેમ કરતો હોય છે પણ આયના સમક્ષ તેનો એકરાર નથી કરી શકતો. મોના રાજન સાથે વાત કરવા અડધી રાત્રે હોટેલના કાઉન્ટર પરથી ફોન કરે છે. ઝાયેદ મોનાની જાસૂસી કરવા તેની પાછળ જાય છે પણ મોનાને એ વાતની ખબર પડી જતાંં તે સતર્ક થઇ જાય છે. રાજેન અને મેજર કામ્બલી અમદાવાદ આવવા નીકળે છે. ઝાયેદે બોમ્બ બ્લાસ્ટ કરવાના ષડયંત્ર માટે જુદાં જુદાં પ્લાન ઘડી રાખ્યા છે અને જો તેમાં ચૂક થાય તો મોનાને મોતને ઘાટ ઉતારવાની પણ તૈયારી કરે છે. બીજી બાજુ રણવીર અને આયના પણ અમદાવાદ પહોંચે છે. રરાજેન અને મેજર કામ્બલી આતંકવાદીઓના હુમલાને નિષ્ફળ બનાવવા અને તેમને રંગેહાથ પકડવા અમદાવાદ પહોંચે છે. રાજેનને મોનાની ચિંતા થઇ આવે છે. બીજી બાજુ આયના અને રણવીર પણ અમદાવાદ પહોંચે છે અને આતંકવાદીઓના ષડયંત્રને નિષ્ફળ કરવાના કામમાં લાગે છે.

હવે આગળ વાંચો…

આયના ઊભી થઈને દરવાજો ખોલવા જતી હતી ત્યાં રણવીરે ઝડપથી ઊભા થઈ તેને અટકાવી, કવર ખિસ્સામાં મૂક્યું પછી ઝડપથી  રિવૉલ્વર કાઢી પોતાની પાછળ સંતાડી એક હાથથી સહેજ દરવાજો ખોલ્યો.

સામે રાજેન અને કામ્બલી ઊભા હતા. રણવીર કામ્બલીને તો ઓળખતો હતો. એકવાર મળવાનું થયું હતું, પણ રાજેનથી અપરિચિત હતો. તેણે પ્રશ્નાર્થ નજરે કાંબલી સામે જોયું.

એનો પ્રશ્ન સમજી ગયેલા કામ્બલીએ કહ્યું,

‘ડૉન્ટ વરી..મિ. રણવીર..એ આપણો જ માણસ છે. આ આખા કાવતરાની જાણકારી સૌ પ્રથમ તેણે જ આપી હતી.’

‘ઓકે..વૅલકમ’ કહેતા રણવીરે હવે આખો દરવાજો ખોલ્યો.

હવે રાજેન અને કામ્બલીનું ધ્યાન આયના પર પડ્યું. અત્યારે અહીં, આ સમયે આયનાને અહીં જોઈ બંને થોડા ડઘાઈ ગયા હતા.

આયના અહીં ક્યાંથી..? એ તો ડૉ. કુલદીપની સાથે જોબ કરતી હતી. અહીં આવા ગંભીર ઑપરેશન માટે આવેલા રણવીર સાથે એ કઈ રીતે..?

‘સર..આ છે આયના..તમે બંને એને આ પહેલાં મળી ચૂક્યા છો એટલે તેનો પરિચય કરાવતો નથી..બરાબરને..?’

કામ્બલીએ હસીને ડોકું ધુણાવ્યું એટલે રાજેને પણ મહામહેનતે પોતાનું આશ્ચર્ય છુપાવવાનો પ્રયત્ન કરતા કહ્યું.. ‘તદ્દન સાચું.’

આયનાએ બંને સામે જોઈ નમસ્કાર કર્યા અને પછી સામેના સોફા પર બેઠી.

‘તમને આયનાને મારી સાથે જોઈ આશ્ચર્ય થતું હશે, નહીં?’ રણવીરે જાણે કે બંનેના મનની વાત જાણી લીધી હોય તેમ બોલ્યો.

‘યસ, એક્ઝેટલી..’ આ વખતે રાજન બોલ્યો.

‘રણવીર મારો કૉલેજકાળનો ખાસ મિત્ર છે.’ આયના બોલી.

‘ઇન ફેક્ટ..આ ઑપરેશનમાં મને લાવનાર જ આયના છે.’

કહી રણવીરે જે કંઈ બન્યું હતું એ હકીકત ટૂંકમાં કહી સંભળાવી..

‘કામ્બલીજી..મારે તમને એક ખરાબ સમાચાર આપવાના છે..’ રણવીરે ઝડપથી મુદ્દાની વાત પર આવવાનો પ્રયાસ કર્યો.

શું હશે એ ખરાબ સમાચાર..? બધા  વિચારમાં પડી ગયા.

* * *

ખરાબ સમાચાર? રણવીરના મોઢેથી આ  શબ્દ સાંભળતા જ સૌને હૈયે ફાળ પડી..

હોટેલના રૃમમાં રણવીર, કામ્બલી, રાજેન અને આયના મોજૂદ હતા, અલબત્ત રાજેન અને આયનાને અત્યારે તો ચૂપચાપ સાંભળવાનું જ હતું.

‘કામ્બલીજી..મારે તમને એક ખરાબ સમાચાર આપવાના છે..’ રણવીરે એમ કહ્યું એટલે બધાના કાન એક ફફડાટ સાથે સરવા થઈ ગયા.

ખરાબ સમાચાર..? વોટ? કામ્બલીના અવાજમાં ચિંતા ઉપસી આવી.

‘ વાત એમ છે કે ગઈ કાલે સાંજ સુધી ઉપરના લેવલે એવું નક્કી થયું હતું કે મોનાનું કામ પૂરું થયું હોવાથી મોનાને આપણે હટાવી લેવી, પણ માથુર સરની આજ સવારની સૂચના મુજબ આપણે હવે એમ કરવાનું નથી.’

રાજેન સ્તબ્ધ થઈ ગયો. કામ્બલી કશું બોલે તે પહેલાં એ બોલી ઊઠ્યો..

‘યુ મીન તમારા ઓફિસર એમ વિચારે છે કે મોના આતંકવાદી પ્લાન એક્ઝિક્યૂટ કરે? એ કેમ બને? મોના એક સિવિલિયન, સીધીસાદી છોકરી છે. તે આવા જોખમી ઑપરેશનમાં કઈ રીતે ભાગ લઈ શકે? રણવીર સર, તમે માથુર સરને કહો કે એ શક્ય નથી. આપણે ગમે તેમ કરીને મોનાને હટાવવી જ રહી. મોના અત્યારે જ ઓલરેડી જોખમમાં છે. સદ્નસીબે હજુ સુધી એમને મોના પર શંકા આવી નથી  લાગતી, પણ ગમે તે ઘડીએ આવી શકે છે અને જો એવું થાય તો એ લોકો એ જ પળે મોનાને ખતમ કરી નાખે? ડુ યુ અન્ડરસ્ટેન્ડ વૉટ આઇ મીન?’

રાજેનના અવાજમાં આવેલી ઉગ્રતા, આક્રોશ, વ્યગ્રતા સહુને સ્પર્શી ગઈ.

કામ્બલી કશું બોલે તે પહેલાં રણવીરે કહ્યું,

‘મિસ્ટર રાજેન, મોના પ્રત્યેની તમારી ભાવના મને સમજાય છે અને હું તેની કદર કરું છું. એન્ડ યસ, આઇ અન્ડરસ્ટેન્ડ ઓલ ધીસ.. એન્ડ ..નોટ ઓન્લી મી બટ માય ઓફિસર ઓલ્સો અવેર એબાઉટ ઇટ. તમે અમારા પર વિશ્વાસ રાખો..અમે મોનાનો વાળ પણ વાંકો નહીં થવા દઈએ, પરંતુ  અમે જે પ્લાન બનાવ્યો છે એમાં મોનાનું ત્યાં રહેવું અત્યંત આવશ્યક છે. અત્યારે ફક્ત મોના એક જ એવી વ્યક્તિ છે કે જે દુશ્મનનો પુરો વિશ્વાસ મેળવીને એના જ ગઢમાં બેઠી છે. એ એક જ એવી વ્યક્તિ છે કે જે આપણને એમની દરેક હિલચાલ અને આ આખું ઑપરેશન ક્યારે થશે તેની સચોટ બાતમી આપી શકે તેમ છે. આપણો બધો મદાર તેમના પ્લાનની સાચી જાણકારી મળે તેના પર જ છે. જે માટેની મદદ આ તબક્કે  આટલી સચોટતાથી મોના સિવાય અન્ય કોઈ કરી શકે તેમ નથી.

હવે રહી વાત એની સુરક્ષાની તો એ માટે હોટેલની બહાર તો બે માણસ ઊભા જ છે. ઉપરાંત અમારા બે બાહોશ જવાનો સાદા વેશમાં મોના અને ઝાયેદ જે હોટેલમાં છે. તેની બાજુના રૃમમાં રહી સતત તેની અને ઝાયેદની દરેક હિલચાલનું મોનિટરિંગ કરી રહ્યા છે. ઝાયેદના મોબાઇલના દરેક ફોન ટ્રેસ કરવાનો પ્રયાસ થઈ રહ્યો છે, પણ એ લોકો બહુ બાહોશ છે. અત્યારે બીજી કોઈ રીતે આપણને પ્લાનની કોઈ વિગત મળી શકે એમ નથી. એટલે સાચું કહું તો આપણો આધાર આ પળે તો માત્ર અને માત્ર મોના પર જ છે અને એકવાર આપણને માહિતી મળી જાય કે એ લોકો ક્યા દિવસે, ક્યારે પ્લાન ઘડે છે ત્યારે આપણે એને પુરાવા સાથે પકડવાના છે. એ માટેની બધી તૈયારી આપણે કરી લીધી છે અને એ પહેલાં આપણે મોનાને પણ અહીંથી સહીસલામત બહાર કાઢી લેશું.

અને એક છેલ્લી વાત, મોનાની ચિંતા માત્ર મારા ઓફિસર જ નહીં, છેક પીએમ સુધી બધાને છે. ભારત સરકાર અને તેના અધિકારીઓ પૂરા સતર્ક અને સક્ષમ છે. જો ભારત પાસે ટેલેન્ટેડ અને દેશને સમર્પિત ઓફિસર્સ ન હોત તો આ દેશ પર રોજ આતંકવાદી હુમલા થતાં હોત,

આઇ થિન્ક નાઉ યુ મસ્ટ બી સેટિસ્ફાઇડ.. ઓકે? સો નાઉ પ્લીઝ બી રીલેક્સ..મોના હવે અમારા સૌની જવાબદારી છે.’

રણવીર એકીશ્વાસે બોલી ગયો. સહુ એક કાન કરી એને સાંભળી રહ્યા.

‘ઓકે સર..થેન્કયુ..મોનાની આટલી ચિંતા કરીને કૅર લેવા બદલ. એન્ડ આય એમ સોરી રણવીર સર..મેં નાહક શંકા કરી..હકીકતમાં મોનાની ચિંતાને કારણે મારાથી આક્રમક થઈ જવાયું.’

‘એક પ્રશ્ન પૂછું રાજનજી?’

‘યેસ.’

‘શું તમે મોનાને પ્રેમ કરો છો? આય મીન ડુ યુ રીયલી લવ હર? જોકે આમ તો સવાલ અસ્થાને છે. તમારો આક્રોશ જ એ વાત કહી દેતો હતો. એમાં તમારા પ્રિયપાત્રની ખેવના, ચિંતા સાફ ઝલકતી હતી અને એમાં કંઈ ખોટું નથી. પોતાના પ્રિય પાત્રની ચિંતા આપોઆપ મનમાં થતી જ હોય છે.

બોલતા બોલતા રણવીરની નજર અજાણતા જ આયના સામે મંડાઈ હતી.

‘ રાજેન, તમારા બંનેનો પ્રેમ જોઈ હું ખુશ છું. તમારે માટે કોઈ આ હદે સમર્પણ કરી શકે એવા નસીબ બધાને નથી મળતાં. મોનાએ તમારા સ્નેહ માટે જે કર્યું છે કે કરી રહી છે એને બિરદાવવા માટે મારી પાસે કોઈ શબ્દો નથી. આ ઑપરેશન પૂર્ણ થાય એટલે સૌથી પહેલું કામ તમારા લગ્નની શરણાઈ વગાડવાનું હું જ કરીશ. યુ રીયલી લકી મેન..બધા તમારા જેવા નસીબદાર નથી હોતાં.

Related Posts
1 of 34

બોલતા રણવીરના શબ્દોમાં એક દર્દ ઊભરતું આયના જોઈ શકી.

વાતને બીજી જ દિશામાં જતી જોઈ કામ્બલીએ ઊભા થતાં કહ્યું.

‘ઓકે, જેન્ટલમેન.. અમને તમારી અને તમારી ટીમની કાબેલિયત તથા ભારત સરકારની કામગીરી પર પુરો ભરોસો છે. અમે તમારી બાજુના રૃમમાં જ છીએ. વી વીલ બી ઇન ટચ ઓલ ધ ટાઇમ.. જેની પાસે કંઈ પણ ઇન્ફર્મેશન આવે એટલે તુરત બધાને પહોંચાડવી રહી. આવા કોઈ પણ કામમાં મોસ્ટ ઇમ્પોર્ટન્ટ ફેક્ટર ઇઝ ટાઇમ ..’

‘આપણા બધા પાસે એકબીજાના સેલ નંબર હોવા જરૃરી છે.

યેસ.. કહેતા બધાએ પરસ્પર નંબરની આપલે કરી.’

રણવીરે આગળ ચલાવ્યું..

‘આપણે સૌએ એકબીજાના સંપર્કમાં રહેવાનું છે. નાની સરખી, સાવ નકામી લાગે એવી વાત પણ એકબીજા સાથે શેઅર કરવાનું ભૂલાય નહીં એ ધ્યાન રાખજો. આપણે  દરેક મિનિટ સાવધાન રહેવંુ જરૃરી છે. કોઈ પણ સંજોગોમાં નિષ્ફળતા આપણને પાલવે એમ નથી. મોનાની સાથે બીજા પણ અનેક નિર્દોષ લોકોના જાનનો સવાલ છે.’

‘ઓકે..ઓલ ધ બેસ્ટ..’

‘ઓકે. ‘..કામ્બલીએ બહાર નીકળતા કહ્યું ત્યારે રાજેને થોડો રાહતનો શ્વાસ લીધો. પણ છતાં મોનાની ચિંતા તેના દિલમાંથી એમ નીકળે એમ નહોતી. ઘડીભર તો તેને થઈ ગયું કે મોનાને કહી દે કે બધું છોડીને આવી જા.. આપણે જીવનું કોઈ જોખમ નથી લેવું, પણ તો અત્યાર સુધી મોનાએ જે કંઈ કર્યું હતું એ બધું વ્યર્થ બની જાય. ના..ના.. દેશ  માટે, અનેક લોકોના જીવન માટે કોઈએ તો જોખમ લેવું જ રહ્યું ને?

કદી કોઈ માનતામાં ન માનતા રાજેને આજે મનોમન ન જાણે કેટલી યે માનતાઓ મોના માટે રાખી લીધી.. કે રખાઈ ગઈ.

એ રાત્રે એકબીજાના બાહુપાશમાં જકડાઈને સૂતેલા મોના અને ઝાયેદ આખી રાત પોતપોતાના વિચારોમાં ખોવાઈ રહ્યાં હતાં. બંને પોતાના પ્લાનની સફળતા માટે  સ્વાભાવિક રીતે જ ચિંતિત હતાં. નિષ્ફળતા  બેમાંથી કોઈને પોસાય એમ નહોતી.

ઘડિયાળ સવારના છ વાગ્યાનો સમય બતાવતી હતી. અચાનક ઝાયેદનો ફોન રણકી ઊઠ્યો. ઝાયેદ સફાળો બેઠો થઈ ગયો. અત્યારના પહોરમાં કોનો ફોન હોઈ શકે? તેણે ઝડપથી ફોન ઉપાડ્યો.

મોના જાગતી જ હતી. એણે નંબર વાંચવાનો નિષ્ફળ પ્રયત્ન કરી જોયો.

‘ઝાયેદ, અત્યારમાં ફોનની લપ છોડ ને? આવો મજાનો સમય તો પ્રેમ કરવા માટેનો હોય..નહીં કે ફોન પર વાત કરવા માટે.’

પણ મોનાની વાત પર ધ્યાન આપ્યા સિવાય ઝાયેદ સામે છેડાનો અવાજ સાંભળી પલંગ પરથી ઊભો થઈ ગયો.

‘અરે, અહીં મારી સાથે સૂતાં સૂતાં વાત કર ને. દૂર કેમ ભાગે છે? મારાથી હવે શું સિક્રેટ છે?’ આંખ મારતાં લાડથી મોના બોલી.

પણ ઝાયેદ ઊભો થઈને રૃમની બહાર નીકળી ગયો હતો. મોના થોડી ગભરાઈ..શું કોઈને પોતાના વિશે તો કોઈ શંકા નહીં આવી હોય ને? મોનાના દિમાગમાં હવે સતત એ જ વિચાર ઘૂમરાયા કરતો હતો. એક એક મિનિટે સાવધાન રહેવું હવે ખૂબ જરૃરી હતું. એક નાની સરખી ભૂલ અને જિંદગીના સો એ વરસ પૂરા..રાજેનના પ્રેમ માટે થઈને તેણે શું શું નહોતું કર્યું? ઝાયેદ જેવા ખતરનાક માણસના પડખા સેવવા પડ્યા હતા અને તે પણ હસતા મોઢે. એની આંખો ભરાઈ આવી, પણ અત્યારે ઇમોશનલ થવાનો સમય ન હતો. એની નજર બારીની બહાર પડી. આમ તો ઝાયેદે બારી બંધ કરાવી હતી, પણ કાચમાંથી નીચેનું દ્રશ્ય જોઈ શકાય એમ હતું. રાજેને ગોઠવેલો માણસ નીચે ચાની રેકડી પાસે ચા પીતો ઊભો હતો.

‘ઓહ..રાજેનને મારી કેટલી ચિંતા છે. રાત-દિવસ એણે વૉચ ગોઠવી છે. મોનાએ એક રાહતનો શ્વાસ લીધો. તે ઊભી થઈને બારી ખોલવા જતી હતી ત્યાં હાથમાં ફોન સાથે ઝાયેદ અંદર આવ્યો. સારું થયું હજુ મોના ઊભી નહોતી થઈ. હવે ઝાયેદ ફોનમાં કશું બોલતો નહોતો. ફક્ત સાંભળતો હતો. પૂરી દસ મિનિટ સુધી ઝાયેદ ફક્ત સાંભળતો રહ્યો. વચ્ચે વચ્ચે..ઓકે..ઓકે..એટલા જ શબ્દો બોલાયા હતા.

ફોન કરતાં ઝાયેદના ચહેરા પર બદલાતા હાવભાવને તાકી રહેલી મોનાને કોણ જાણે કેમ પણ કશુંક અજુગતું બની રહ્યાની એંધાણી વર્તાવા લાગી. ફોનમાં વાત કરતાં કરતાં ઝાયેદ વચ્ચે-વચ્ચે તેની સામે તીક્ષ્ણ નજરે જોઈ લેતો હતો. એને કારણે મોનાના પેટમાં ચૂંથારો થતો હતો. તે કોઈ અકળ મૂંઝવણ અનુભવી રહી. શું થયું હશે? કોઈ શંકા આવી હશે મારી ઉપર? તો.. તો? મોના થરથરી ઊઠી.

ઝાયેદ વાત કરતી વખતે કેમ કશું બોલતો નહોતો? માત્ર ચુપચાપ સાંભળ્યા જ કેમ કરતો હતો? શું પોતાની હાજરીને કારણે એ આમ કરતો હશે. એક વખત તો તેને ફ્રેશ થવા જવાના બહાને બાથરૃમમાં જઈ રાજેન સાથે વાત કરી લેવાની અદમ્ય ઇચ્છા થઈ આવી, પરંતુ મહામહેનતે તેનું મન રોકાયું. અત્યારે એ સલામત નહોતું.

‘રીલેક્સ, મોના જસ્ટ રીલેક્સ’ એ મનોમન પોતાની જાતને ઉદ્દેશી બોલી.

આખરે ઝાયેદે ફોન કાપી મોના સામે જોયું અને ચહેરા પર સ્મિત લાવીને બોલ્યો,

‘અરે, તે હજુ નાસ્તો કેમ ઓર્ડર નથી કર્યો.?’ કહી વેઇટર તરફ ઇશારો કરી નજીક બોલાવ્યો અને પછી મોના સામે જોઈ કહ્યું,

‘આજે મેડમ નાસ્તામાં શું લેશે?’

ઝાયેદનું નોર્મલ વર્તન જોઈ મોનાનો શ્વાસ હેઠો બેઠો. નાસ્તાનો ઓર્ડર લખાવી તેણે વેઈટરને રવાના કર્યો તે ગયો એટલે તરત જ મોનાએ ઝાયેદને પૂછ્યું..’

‘અત્યાર અત્યારમાં વળી કોનો ફોન હતો? કોણ સવારના પહોરમાં રણક્યું? હજુ હું તો મસ્તી કરવાના મૂડમાં હતી અને આવી ર્ઝુર્ત કોણે કરી?’

થોડી નાટકીય અંદાજમાં મોના બોલી. એક એક મિનિટે સહજ રહેવું એ જ એના જીવનની સલામતીનો એક માત્ર ઉપાય હતો.

‘કેમ પૂછવું પડ્યું..?’

‘એક પણ શબ્દ બોલ્યા વગર તું ફક્ત સાંભળતો રહ્યો એટલે.. જસ્ટ આશ્ચર્ય થયું. તારે જવાબ ન આપવો હોય તો મને જાણવામાં કોઈ રસ નથી. આ તો જસ્ટ પૂછયું. કોઈ ચિંતાની વાત તો નથી ને? તારી ચિંતા તો મને થાય ને?

સહજતાથી જાણે કોઈ પ્રેમિકા ચિંતાથી બોલતી હોય એમ મોનાએ કહ્યું..

ઝાયેદે પણ એ જ અંદાજમાં જવાબ આપ્યો.

‘અરે મેડમ, એવું કંઈ થોડું છે કે પરણેલો પુરુષ જ ફક્ત પત્ની સાથે ફોન પર વાત કરતી વખતે ચૂપચાપ સાંભળ્યા કરે? ક્યારેક અમારા જેવા અપરિણીત લોકોની પણ એવી નોબત આવી જતી હોય છે. સારું કરું છું ને. પ્રેક્ટિસ થઈ જાય. ભવિષ્યમાં કામ લાગે.’

જાણે મોટો જોક કર્યો હોય તેમ ઝાયેદ ખડખડાટ હસ્યો. પછી કંઈક વિચાર આવતા મોનાને નીરખતા તે ધીમેથી બોલ્યો.

‘અફઝલ ખાનનો ફોન હતો. એ એક બહુ જ જરૃરી માહિતી આપી રહ્યો હતો.’

‘શું કહ્યું અફઝલ ખાને?’ મોનાના હોઠ સુધી આવીને પ્રશ્ન પાછો ફરી ગયો. પૂછવાનો કોઈ અર્થ નહોતો. જવાબ થોડો સાચો મળવાનો હતો?

બાકી અફઝલ ખાને ઝાયેદને ફોન પર જે કહ્યું હતું તે જો ઝાયેદે મોનાને કહ્યું હોત તો મોનાનો રૃપાળો ચહેરો એ જ પળે કાળો ધબ્બ થઈ ગયો હોત..

એ વાતમાં મોનાનું ડૅથ-વૉરંટ લખાયેલું હતું.

અફઝલ ખાને ઝાયેદને સ્પષ્ટ ચેતવણી આપી હતી કે જે આતંકવાદી હુમલા માટે મોનાનો ઉપયોગ કરવાનો હતો એ કામ જેમ બને તેમ જલ્દી નિપટાવી મોનાનો ખાત્મો કરવાનો હતો.. કારણ કે આતંકવાદના હબ ગણાતા પડોશી મુલકના જાસૂસીતંત્ર દ્વારા એવી બાતમી પ્રાપ્ત થઈ ગઈ હતી કે  ભારત સરકારને આગામી ત્રાસવાદી હુમલા અંગે ક્યાંકથી માહિતી મળી ગઈ છે અને તે આ હુમલાને અટકાવવા જ નહીં, પરંતુ હુમલાખોરોને પકડી લેવા કટીબદ્ધ બની ગઈ છે. બોમ્બ બ્લાસ્ટના પ્લાનની વિગત ચોક્કસ ક્યાંકથી લીક થઈ ચૂકી છે અને એ માટે શંકાના દાયરામાં મોના છે. એ લોકો ખાત્રી સાથે કહી રહ્યા છે કે મોના ચોક્કસ એવી કોઈ વ્યક્તિના સંપર્કમાં છે જે ભારત સરકારની સાથે જોડાયેલ છે.

નાસ્તો કરતી વખતે ઝાયેદ વિચારી રહ્યો હતો કે હવે શું કરવું..? સમુદ્ર માર્ગે પોરબંદર આવી ચૂકેલા બોમ્બનું પાર્સલ વહેલામાં વહેલું પરમદિવસે ગુરુવારે સવારે અમદાવાદ આવી શકે તેમ હતું. પ્લાન મુજબ એ પછીના દિવસે એટલે કે શુક્રવારે મોનાને અમદાવાદમાં નક્કી કરેલા સ્થળે બોમ્બ મૂકવા મોકલવાની હતી. અફઝલ ખાનને મળેલી માહિતી અનુસાર મોના પોતાની સાથે ડબલ ગેમ રમી રહી હતી. શું મોના એવું કરી શકે ખરી? એવું લાગતું તો નહોતું..એ તો પોતાની સાથે લગ્નના સપના જોઈ રહી હતી..ના…ના…મોના એટલી ચાલાક લાગતી નથી. ગમે તે હોય..અફઝલ ખાનની વાત ગંભીરતાથી લેવી પડે તેમ હતી..એનું અહીંનું નેટવર્ક એકદમ મજબૂત હતું..તેની માહિતી સાવ બિનપાયાદાર ન હોય.

હવે શું કરવું…?

જો અફઝલ ખાનની વાત સાચી હોય તો મોનાને તુરંત જ ખતમ કરી નાખવી રહી…પણ…

પણ માત્ર અધૂરી માહિતીના આધારે એ નિર્ણય લેવો એ ઠીક નહોતું લાગતું? કારણ કે અફઝલ ખાને પણ માત્ર શંકા જ વ્યક્ત કરી હતી અને સતર્ક રહેવા સૂચવ્યું હતું. શક્ય છે કે બોમ્બ બ્લાસ્ટના પ્લાનની માહિતી લીક કરનાર કોઈ અન્ય વ્યક્તિ પણ હોઈ શકે. વળી, મોનાને અત્યારે આ પ્લાનમાંથી હટાવી દેવામાં આવે તો આટલી ઝડપથી બીજી વ્યક્તિને તૈયાર કરવી મુશ્કેલ કામ હતું. જો એમ કરવું પડે તો પછી ફરીથી એક વખત પ્લાન પાછળ ધકેલવો પડે. એ માટે પોતે ભારતમાં વધુ રોકાણ પણ કરવું પડે. એ પોતાના માટે હાનિકારક સાબિત થઈ શકે. ના..ના..ઘટનાક્રમ એટલો આગળ વધી ચૂક્યો હતો કે હવે પ્લાન અમલમાં મૂકવામાં વધુ મોડું કરવું પોસાય તેમ નહોતું.

(ક્રમશઃ)
—————–

Leave A Reply

Your email address will not be published.

Translate »